【星期日講真說話，不喜勿插】
• 古語有云：早買早享受，我發現有好耐好耐之前查詢完嘅客人而家又再查詢，但係我嘅價錢已經唔同咗好多，不過講聲，嚟緊暫時未有減價嘅念頭，因為我真係好等錢洗。😹
• 如果你係想求其搵個人幫你嘅寵物影相，Okay嘅，唔通有錢賺唔賺咩？不過我都Prefer係欣賞我先搵我嘅。
• 如果你心目中覺得幾百蚊影一輯相嘅，可以唔使查詢我🙏🏻，我暫時未有咁偉大做到。
• Outdoor謎思：係呀，我暫時唔會接Outdoor寵物拍攝，因為我影Portrait多，我鍾意靜態少少，我係個Control Freak同有強逼症（呢啲都係某D對自己冇要求嘅人講我），所以我想燈光同動作都係我掌握之內，影Outdoor有舊雲飄過已經可以影響好大。我知道外間有D「寵物攝影師」都冇自己嘅Studio只可以影Outdoor，咁咪可以各有各做囉。同埋最大原因：我咁多器材拎出拎入其實好辛苦！🙈
• 點解寵物攝影Package唔會影人？我唔介意影幾張合照，但係我好介意全輯相都有人。寵物攝影同影人最大分別係燈光同構圖，後期工作亦都好大分別。毛孩同人根本上係兩種Texture，影寵物時我最鍾意將佢哋嘅細節影出嚟，但係如果用同一方法影人嘅話，好多時只會表露缺點。你唔介意但係我介意呀！🥲 同埋主要係試過有人做壞規矩，濫用我嘅慷慨，揀嘅Retouched Photos全部都係主人合照，後期製作上係用多咗五倍時間，都係嗰句，你唔介意D相你毛孔粗糙，但係我介意。🙃
• 可惜我唔識「自吹自擂」😹，唯有勞師動眾要客人幫我上Google寫Testimonials， 唔介意嘅咪喺呢度再寫多次囉！
• 依然係圖文不符
-暫時講到呢度-
Search